LEGAZPI CITY- Klarong ipig-istorya kan sarong residente kan Brgy. Banquerohan Legazpi City an totoong nangyari sa aksidenteng pagkaligis kan jeep sa 7-anyos na aki sa nasambitan na barangay.
Sigon sa testigo na nagpamidbid na aki kan dating kapitan sa barangay, marikas an padalagan kan suspek na nag-overtake nin duwang beses huli ta igwa nin kabukudan sa tinampo.
Sa ika-duwang overtake suboot nabangga an 7-anyos na aki na nasa sidewalk mantang naghahalat kan mga kaibanan palaog kan eskwelahan.
Sigon pa digdi, kun dae napalos sa tinampo an jeep, dae na kuta madadara an aki huli ta nasa sidewalk ini alagad talagang midbid na kaskasero an nasambitan na drayber.
Nagtutubod sya na dae ini nagseminar sa LTO kun kaya ignorante sa mga batas trapiko.
Mientrastanto, pahayag pa kaini na maraot an saindang boot sa ibang taga-media na sala an pigbabalangibog na impormasyon.
Pigsasalaan kaya suboot an mga tanod asin ibang opisyales sa lugar maski klaro man na sala kan drayber an nangyaring insidente.
Dugang pa kaini, pirmi nyang nahihiling an mga nangyayari sa tinampo huli ta igwa sya nin karehan na nasa gilid sana kaini.
