LEGAZPI CITY-Nawasak an underground bunker kan nagadan na si Iran Supreme leader, Ayatollah Ali Khamenei makalihis na bombahon kan Israel Air Force, basado sa ipinaluwas na footage kan Israeli Defense Forces (IDF).
Segun sa Israeli military, nagbagsak an 50 fighter jets kan 100 bomba sa underground bunker, na nasa “leadership complex” kan Iran sa kabisera kan Tehran.
Susog sa Israeli Defense Forces, sakop an multiple streets, na igwang kadakol na entry points asin mga pasilidad na pigagamit kan senior Iranian officials para sa saindang mga miting.
Pigtugdok suboot an nasabing underground bunker bilang emergency asset para sa gera kan saindang lider, na nagadan bago pa ini magamit.
Ipighayag kan Israeli military na makalihis magadan si Khamenei sa strike kan Sabado, Pebrero 28, padagos na pigagamit kan senior members kan Iranian regime an nasabing bunker.
Naipaotob man kan Isareli military an “precise strike” sa underground bunker makalihis an nagkapirang taon na pag-aadal sa site, sa paagi kan Military Intelligence Directorate’s Unit 8200 asin Unit 9900, na nasugo para sa signal asin visual intelligence.
Segun sa ahensya na pirang beses na nindang tinamaan an sites sa leadership complex sa Tehran sa tahaw kan kariribukan asin nagadan si Khamenei sa saiyang compound, na parte kan complex asin an iba pang top Iranian officials.
Kabale man sa tinamaan kan nagkapirang sites sa complex, kaiba an presidential bureau kan Iran asin headquarters kan Supreme National Security kan Iran
