LEGAZPI CITY-Nagpaabot nin pakikidamay an Embahada kan Ukraine sa mga pamilya kan duwang Pilipinong nagadan sa mga pag-atake kan drone kan Russia sa mga barkong pangkomersyo sa Black Sea asin nanindugang dai dapat atakihon an mga sibilyang barko.
Sa sarong pahayag, sinabi kan embahada na lubos nindang ikinamundo an mga naireport na nagadan.
An duwang Pilipinong nagadan sa serye kan mga pag-atake, nakaapektar sa dai mababa na siyam na barko asin sa 139 na Pilipinong tripulante na lunad kan mga ini, susog sa Department of Migrant Workers (DMW).
An mga pag-atake, na kadaklan nasa mga barkong nakadaong o kakaluwas pa sana sa daungan, an nagwalat man nin 12 Pilipinong marino na nairido mantang saro an nawawara.
Sinabi kaini na an mga pag-atake, nagbabanta sa mga sibilyang marino, international navigation, asin pankinabang suplay kan pagkakan.
Sinabi man kaini na ipinaaram na kan Ukraine sa International Maritime Organization, mga internasyonal na kasosyo, asin mga nacion kun sain hale an mga apektadong tripulante an mga pag-atake.
Marurumduman na sinalakay kan mga puwersa kan Russia an mga parte kan Ukraine poon pa kan Pebrero 2022.
