LEGAZPI CITY-Sinabihan ni President Donald Trump kan Estados Unidos si Israel Prime Minister Benjamin Netanyahu na punduhon muna an pag’atake sa mga energy facilities kan Iran sa ngonian.
Sinabi ni Trump na nakipag-olay siya ki Netanyahu sa telepono asin sinabihan niya ini na dai pag-atakehon an mga pasilidad nin langis asin gas kan Iran.
Nag-insistir siya na an Estados Unidos dai nanggad mapasabog ka arin man na pasilidad nin langis asin gas.
Dati nang sinabi ni Trump na warang kinaaraman an Estados Unidos sa pag-atake kan Israel sa mga pasilidad na ini kan Iran.
