LEGAZPI CITY – Namatean kan mga tricycle drivers sa Parada Uno sa Quezon Avenue sa ciudad kan Legazpi an kadiit na mga pasahero ngonian na undas.
Segun ki Cristoper Arena sa intrevista kan Bombo Radyo Legazpi na poon pa kan Oktubre 31 an nagigin matumal na an pasahero asin pig-aabot pa nin pirang oras antes mapano.
Huli sa maluyang ganansya an garing suboot semana santa an saindang pangmate na haros dae nagruruluwasan an mga tawo.
Naglalaom siya na madudugangan an numero na masakay sa traysikel nganing makabawi man sinda maski papano.
Pigtaram pa kaini na komon na nagpopoon siya magpasada tuyong alas singko nin pagka-aga asin nagga-garahe pag-abot nin alas-syete o alas-otso nin banggi.
Pangapodan ni Arena sa publiko na mapasiring sa mga kamposanto na magsakay sa saindang traysikel nganing madugangan man an saindang ganansya.
