LEGAZPI CITY- Aminado an sarong transport group na makakatabang man an P5,000 na fuel subsidy na ipigpromesa kan gobierno na ipapanao para sa mga apektado kan padagos na paglangkaw kan presyo kan langis.
Alagad segun ki Piston President Mody Floranda sa intrevista kan Bombo Radyo Legazpi na dae kaini mareresolberan an presenteng krisis na pigkakahampang kan mga drivers asin operators.
Paliwanag kan opisyal na an nasabing kantidad an gagastuson sana sa laog nin tulo o apat na aldaw na krudo kan mga nasa pampublikong transporasyon.
Huli digdi, wara suboot na saysay an P5,000 na ayuda kun dae mako kontrol an presyo kan produktong petrolyo.
Liwat man na nangapudan si Floranda na hidalion na kan gobierno an pagsuspinder sa pagpapataw nin excise tax sa langis ngani na maski papano an makinabang an gabos na mga Pilipino.
Mientras tanto, dugang pa kaini na dapat hidalion na man an pagtataong tabang sa mga apektadong drivers huli ta labing pasakit na an namamatean kan mga ini kasabay kan halangkaw na presyo kan langis.
