LEGAZPI CITY – Nangapudan sa gobyerno asin sa Land Transportation Franchising and Regulatory Board an Sorsogon Integrated Transport Federation (SORINTRAFED) na ipaotob an dugang na dos pesos sa pamasahe sa mga pampasaherong jeep.
Segun ki Sorintrafed President Ramon Dealca sa intrevista kan Bombo Radyo Legazpi na pabor sinda sa dugang na 2 pesos sa pamasahe nin huli ta palangkaw nin palangkaw an presyo kan petrolyo kun kaya dapat lang na magsabay man an paghalangkaw nin pamasahe.
Dae man suboot pig-aasikaso kan gobierno an pagbabarewas ninda nin fuel subsidy para sa ngonian na taon nin huli ta katiting man sana an nagigin rollback.
Wara man sindang magiginibo sa mga agrangay kan mga pasahero nin huli ta sinda man an kaherak asin magugutom kun dae ninda lalangkawan an pamasahe kun kaya laoman na suboot an domino effect sa pagultangan kan mga driver asin commuter.
Sa ibong kaini, nagtutubod si Dealca na dae man madiit an numero kan mga pasaherong masakay sa mga jeep nin huli ta iyo ini an nagseserbing transportasyon kan publiko nganing makapasiring sa saindang papadumanan.
Pangapodan kaini sa mga komyuters na naga sunod man sana sinda sa pigpaotob na dugang na pasahe sa jeep alagad kun magtaram suboot an gobierno na dae na sinda magpaotob nin halangkaw na pamasahe an masunod sinda basta’t syertuhon sanang warang patod an pagbabarewas sainda na mga fuel subsidy.
