LEGAZPI CITY- Maduong kinondenar kan grupo nin transportasyon an pakikaram kan Estados Unidos sa pagsakyada sa Iran.
An nasabing pagsakyada kaya an posible man na maka apektar sa Pilipinas huli sa pinagkakahaditan na paglangkaw kan presyo kan produktong petrolyo.
Segun ki Piston President Mody Floranda sa intrevista kan Bombo Radyo Legazpi na kinakaipuhan na umaksyon man an gobierno kan Pilipinas huli sa dakulang epekto sa lado kan transportasyon asin sa mga Pilipino.
Paliwanag kan opisyal na kun padagos na malangkaw an presyo kan produktong petrolyo, siertong dae na magigin bastante an kakarampot na ganansya kan mga drivers sa nacion.
Bako sana suboot drivers an mga apektado kaini kundi magin an mga commuters na masasakitan man enkasong maglangkaw an pamasahe.
Marurumduman na apektado man an presyuhan kan mga babarakalon enkasong nagkakaigwa nin oil price hike.
Dugang pa ni Floranda na saro sa pigkakahaditan ninda ngunyan iyo an pagpundo sa pamamasada kan mga drivers kun mawawaran nin ganansya an mga ini.
