Legazpi City- Ikinaogma kan nag-abot sa 10K na mga paraoma sa Bicol region an narisibe nin P10,000 na financial assistance hale kay PBBM
Sa intrevista kan Bombo Radyo Legazpi kay Lovella Guarin, an tagapagtaram kan D.A Bicol, naging matuninong asin matrayumpo an pananao nin ayuda sa Camarines Sur asin Albay sa pagbisita ni Presidente Ferdinand ‘Bongbong’ Marcos.
An mga paraoma na natawanan nin ayuda an mga labing naapektaran kan nakalihis na panrarapado ni Bagyong Kristine.
Maabot man sa labi 1K na paraoma sa Libon an nakaresibe , mantang 900 sa Oas, asin iba pa, mantang nagabot man sa 5k na paraoma an natawanan sa Camarines Sur.
Apwera sa P10, 000 na ipigtao naisabay man sa pigtao kan Presidente an mga Cheke na hale sa PCIC na insurance para sa mga apektadong paraoma.
Sa pagbisita kan Presidente pinagpapahidali na kaini an pagrevive sa Bicol River Basin Development project para maasigurar na dae na nautro an sitwasyon sa nakalihis na bagyo asin siertuhon suboot na marhay asin dekalidad an mga materyales na gagamiton.
