Ipigkonsiderar nang resigned o nagbutas na sa serbisyo sa Philippine National Police (PNP) si dating PNP chief Nicolas Torre III, makalihis niyang tanggapon an posisyong bilang bagong General Manager kan Metropolitan Manila Development Authority (MMDA).
Nanumpa na man si Torre sa saiyang bagong posisyon, kan Biyernes, Disyembre 26, 2025.
Segun ki National Police Commission (Napolcom) Vice Chairman Rafael Vicente Calinisan, an pagtukaw ni Torre sa MMDA an nangangahulugang “ipso facto resigned” o awtomatikong nagbutas sa pwesto niya sa kapulisan.
An pagbutas man ni Torre an mataong dalan nganing magin ganap nang hepe kan PNP si Lt. Gen. Jose Melencio Nartatez Jr. at makukuha niya man an pinakahalangkaw na ranggong heneral na dating kapot ni Torre.
Si Torre an enot na alumnus kan Philippine National Police Academy na namayo sa PNP, na parte kan “Tagapagpatupad” Class of 1993.
Nabisto man siya sa saiyang labing tolong dekada na serbisyo sa kapulisan.
Nagin pamayo man si Torre kan Criminal Investigation and Detection Group (CIDG) na saro sa saiyang mga nagin importanteng papel.
Magigiromdomang, nagkaigwa nin dae pagkakasinabutan si Torre asin an Napolcom kan i-reshuffle ni Torre ang mga senior police officials.
Mapadagos kuta si Torre sa saiyang pwesto bilang PNP Chief kun sinayumahan niya an MMDA, sagkod sa mag-abot siya sa mandatory retirement age na 56 sa Marso 2027.
