LEGAZPI CITY-Nagpromesa si Thailand Prime Minister Anutin Charnvirakul na magpapaotob nin mas mahigot na ley sa pagkakaigwa nin badil makalihis an mass shooting kan sarong 14-anyos na estudyante sa Nonthaburi, na ikinagadan kan walong katawo asin 12 an nairido.
Napag-araman na enot nang ginadan kan binatilyo an saiyang lolo asin lola bago nagpasiring sa Debsirin School kun saen binadil niya an limang paratukdo asin kalaunan nagpakamatay.
Segun sa pulisya, an badil asin bala na ginamit, kadsadiri kan lolo kan suspek asin legal na nakarehistro. Sinabi kan punong ministro na an bagong ley, maglilimita sa pagdadara ninbadil sa publiko asin solamenteng mga opisyal kan gobierno na nasa posisyon an tutugutan na magdara kaini.
An insidente, liwat na nagtao nin paagi sa haralangkaw na numero kan mga sibilyang igwang badil sa Thailand, na pigkakarkulong nasa 10.3 milyon, kaibanan na an apat milyong ilegal.
Padagos man an imbestigasyon kan mga awtoridad ngani matukoy an iba pang detalye sa likod kan karumal-dumal na pambabadil sa eskwelahan.
