Nasa kabilugang P3.55 trillion an nakolektang buwis kan gobyerno ngunyan na taon.
Segun sa Department of Finance (DOF), ini an naitalang total tax collections hasta kan bulan kan Nobyembre, asin mas halangkaw ini nin 15% hale sa kaparehong panahon kan 2023.
Pigtaram kan DOF nakalikom an Bureau of Internal Revenue (BIR) ng P2.67 trillion pesos na naghalangkaw nin 13.9%.
Nasa P850 billion pesos man an koleksyon kan Bureau of Customs (BOC) na mas halangkaw nin 4.7%.
Katakod digdi, piglalaomang maabot sa P3.82 trillion pesos an kabilugang koleksyon nin buwis ngunyang taon, mas halangkaw nin 11.4% kan 2023.
Ini an magigin katampad kan 14.4% nin gross domestic product.
