LEGAZPI CITY – Nagsagibo nin pagbaklas nin mga campaign posters kan mga kandidato sa kakatapos pa sanang 2025 Midterm Election an Task Force Kalinigan at kaayusan Legazpi City.
Segun ki Task Force Kalinigan at Kaayusan Head Mark Andy Marbella sa intrevista kan Bombo Radyo Legazpi na saro sinda an nangenot sa pagbaklas huli ta dae na ninda pighalat an mga kandidato na magtanggal kan sadiri nindang campaign paraphernalia.
Kaiba man ninda sa pagtanggal an mga volunteers na mga boyscout of the Philippines na hale sa mga nagkapirang eskwelahan sa ciudad.
Posibleng umabot suboot sa duwang tonelada an mga paraphernalia na nakuwa na saindang ituturn over sa Office of the City Environment and Natural Resources para sa proper disposal.
Pigtaram pa kaini na pwedesir man na magkuwa an publiko sa saindang mga nakolektang mga tarpaulin na ginamit kan mga kandidato nganing itaklob sa mga nagtatagdo nindang mga bubong o sa iba pa nindang panggagamitan.
Kompara suboot kan nakaaging pirilian, mas dakol an saindang nakolekta ngonian huli ta saradit an mga ini asin an iba an nagsunod sa ipigbugtak na size kan Commission on Elections (COMELEC).
Mientrastanto, pighayag kan opisyal na maski tapos na an eleksyon, padagos man liwat an saindang pagpatrolya asin clearing operation sa mga kakalsadahan nganing matanggal an mga nakasagbal sa pampublikong agihan.
Pagirumdom ni Marbella sa publiko na magsunod na sana sa ordinansa nganing dae na mahampang pa an mga ini sa mga penalidad huli ta mawot man sana ninda nin kaayusan sa ciudad.
