LEGAZPI CITY—Naglatag an Tabaco City Police Station nin border control points sa nagkapirang barangay kan ciudad bilang parte kan seguridad asin public safety measures katakod kan itinaas sa Alert Level 2 kan Bulkang Mayon.
Segun ki Tabaco City Police Station Chief of Police Police Lieutenant Colonel Virgil Bibat, sa intrevista kan Bombo Radyo Legazpi, saro sa may border points an barangay Buang kun sain pigbabawalan an pagbisita sa Mayon Skyline asin Planetarium huli sa huma kan volcanic hazards en kaso na magputok an nasbaing bulkan.
Afuera digdi, igwa man na border control points sa Barangay Oson kan nasabing ciudad asin Sitio Nagsipit sa Barangay Mariroc.
Pigtawan-doon kan opisyal na obheto ninda na limitaran an mga residentes na yaon sa permanent danger zone kan bulkan asin bantayan en kaso man na magpasiring sa saindang mga pagrugaring nganing masierto na dae sinda maapektaran en kaso na maglala an sitwasyon kan Mayon.
Sa presente, wara pa man suboot nin go-signal para sa pagpapaebakwar kan mga posibleng mga apektadong residentes, alagad, preparado man an lokal na gobierno kan Tabaco asin kan saindang City Disaster Risk Reduction and Management Office.
Mientrastanto, pigtawan-doon man ni Bibat na mas magayon an magin pro-active kaysa magin pre-active sa pagpreparar kun man maglala an sitwasyon kan nasabing bulkan.
