LEGAZPI CITY—Nagkundusir nin hot pursuit operation an Daraga Municipal Police Station laban sa suspek na imbuelto sa pananaksak sa kapwa tricycle driver sa Barangay Binitayan, Daraga, Albay.
Magigiromdomang nauli sa pananaksak an iwal kan duwang traysikel driver huli sa suboot agawan nin pasahero sa nasambitang lugar.
Napag-araman na haloy nang may dae pagkakasinabutan an biktima asin suspek, alagad na-trigger kan nasabing sitwasyon an suspek kun kaya nasaksak niya an biktima.
Segun ki Daraga MPS Chief of Police, Police Lieutenant Colonel Edgar Azotea, sa intrevista kan Bombo Radyo Legazpi, na naabutan ninda sa pinangyarihan kan insidente na nakadapa na an biktima, mantang an suspek an tulos na man na nagdulag.
Kun kaya nagsagibo nin hot pursuit operation an mga kapulisan asin narekober sa harong kan suspek an ginamit na patarom.
Nakipagtabangan suboot an pamilya kan suspek sa kun saen na lugar posible ining nagdulag.
Sinabi ni Azotea, na boluntaryong nagsurender na an suspek sa mga otoridad.
Mientrastanto, posibleng mahampang sa kasong murder an suspek.
