LEGAZPI CITY- Nagpapadagos an hot pursuit operations kan mga otoridad sa suspek sa pambabadil-gadan sa duwang babae sa Barangay San Roque, Tabaco City.
Segun ki Police Lt. Col. Edmundo Cerillo, hepe kan Tabaco City Police Station sa intrevista kan Bombo Radyo Legazpi na aram na ninda an pagkakabisto kan suspetsado huli sa tabang kan mga nakahiling sa krimen.
Napag-araman na antes an pambabadil, nagkaigwa nin argumento an suspek sa mga biktima hasta sa mauli sa pambabadil.
Sinabi ni Cerillo na kaibanan sa mga pighihiling nindang anggulo ngunyan iyo an may kinaaraman sa iligal na droga an motibo alagad padagos pa ining pig-iimbestigaran sa ngunyan.
Nagpromesa man an hepe sa pamilya kan mga biktima na itutulod an hustisya sa urog na madaling panahon.
