Ipinangapodan kan Children’s Legal Rights and Development Center Inc. kay Presidente Ferdinand Marcos Jr. an magkakanigong tabang para sa gabos na mga kabataang naulila huli sa suboot madugong war on drugs kan nakalihis na administrasyon.
Sa sarong forum, pigtaram ni Children’s Legal Rights and Development Center Inc. deputy executive director Atty. Pamela Camacho , sa presente an warang programa an gobyerno para sa mga joven na naulila asin natrauma huli sa kontrobersyal na kampanya laban sa ilegal na droga.
Apela kan grupo na sana an matawan nin tugon an saindang pangapodan kan mga presenteng naka-tukaw sa pwesto .
Parehong pangapodan man an mawot ipaabot kan grupo sa mga future leader kan nacion ngonian na nagdadangadang na an pirilian.
Basado sa datos kan Department of Social Welfare and Development, maabot sa 18,000 children an nawaran nin magurang poon sa anom na bulang pagpapa-otob kan war on drugs kan 2016.
Pigtawan doon ni Camacho an importansya kan paglaban para sa direchos humanos urog na sa mga karapatan kan mga bulnerableng sektor.
An pagkaka arestar suboot kay FPRRD an patunay sana kan pagmamawot kan mga pamilya kan biktima ,mga human rights organizations asin mga human rights defenders na makamit an hustisya para sa gabos na biktima.
