LEGAZPI CITY-Namaaram na an 18-anyos na si alyas Leo, na nagbadil sa saiyang dating ilusyon sa laog kan Sta. Rosa Integraded School kan Agosto 7.
Kinumpirma kan sarong kapamilya ni Leo na binawiaan na nin buhay an sultero makalihis na magsapo nin matindinglugad sa payo huli sa pagbadil niya sa saiyang sadiri, makalihis niyang badilon an saiyang 15-anyos na si alyas Lea.
Basado sa inisyal na imbestigasyon, nanyari an insidente sa mismong laog kan eskwelahan ni Lea.
Tinamaan ini sa liog asin tulos na idinara sa ospital sa Cabanatuan City, kung sain padagos na pigoobserbahan asin nagtetenir sa kritikal na kondisyon.
Nangangapudan man pamilya ni Lea nin tabang pinansyal para sa operasyon asin padagos para sa mga bulong kan daraga.
Padagos man an imbestigasyon kan mga awtoridad mapadapit sa insidente asin sa motibo kan krimen.
Mientrastanto, sa magkahiwalay na pahayag, parehong kinondena kan DepEd Central Office asin Schools Division Office (SDO) kan Nueva Ecija an nasabing karahasan.
Pigpapaotob man an mahigot na seguridad sa eskwelahan asin nakikipag-koordinar na an SDO sa pulisya para sa mabusising imbestigasyon.
Nagtao na man nin psychosocial support asin stress debriefing para sa mga estudyante asin sa mga paratukdo na apektado kan insidente.
