LEGAZPI CITY-Pigpapagirumduman kan St. Raphael the Archangel Parish sa Legazpi City an mga maatendir sa Misa De Aguinaldo na mag-ingat sa mga mandurukot huli sa ini an panahon na kadakol an mapag-samantala.
Segun kay Fr. Herbert Canar kan St. Raphael the Archangel Parish Legazpi, intrevista kan Bombo Radyo Legazpi, na pinakasentro kan bilog na siyam na aldaw an pagpapahayag kan pagtubod nin maogma sa pagkamundag kan satuyang kagurangnan.
Nagpopoon man an enot na misa alas 7:00 nin banggi, alas 3:00 na man nin maagahon, asin alas 5:30 sa pagkahapon.
Sinabi man ni Fr. Herbert na nagkakaigwa nin misa sa hapon huli sa may mga tawong dai nagigimata ngani makapagsimba sa pinagaantisiparang misa sa pagkaaga.
Tinawan doon man ni Fr. Herbert na an Misa De Aguinaldo, sarong ekspresyon kan maogmang pagtubod sa pagkamundag kan satuyang paratubos na pinoonan kan kabilugan kan satuyang buhay.
Mientrastanto, nakabantay man an kapulisan sa mga simbahan ngani magasikaso kan tarpiko asin sa kaligtasan kan gabos na namamanwaan.
