LEGAZPI CITY – Nagdepensar an Social Security System (SSS) makalihis na mapangaranang saro sa mga frontline agencies na haloy suboot makipagtransaksyon sa publiko.
Sa State of the Nation Address (SONA) ni Presidente Rodrigo Duterte, pighumaan kaini an SSS, Land Transporation Office (LTO), Bureau of Internal Revenue (BIR), Land Registration Authority (LRA), asin Home Development Mutual Fund (Pag-IBIG) na gagadanon kun dae simplehan an mga transaksyon na inapod kaining ‘perennially slow’.
Paliwanag ni SSS Legazpi Branch spokesperson Jeanette Mapa sa intrevista kan Bombo Radyo Legazpi, taong 2013 pa suboot ipinaotob sa ahensya an electronic services alagad aram na posibleng diit sana an may access digdi.
Sa tabang kan electronic services, puwede nang makapag-inquire online an mga member sa contribution, salary loan, retirement asin maternity benefits asin iba pang programa.
Napag-araman na 500 hasta 1,000 members an kahampang kan mga SSS personnel sa daily average mantang nadi-delay man an transaksyon kun kulang-kulang an mga ipigsusumiterna dokumento kan member.
Segun pa ki Mapa na dagos-dagos man an SSS enhancement mantang mapuon na an digitalized services sa larger branches sa masunod na taon.
Piglalaomang maisasabay man an medium branch sa digitalization kan serbisyo makalihis an duwang taon.
