LEGAZPI CITY-Inanunsiyo ni presidential sister asin Senador Imee Marcos na dai siya maatendir sa ikalimang State of the Nation Address (SONA) kan saiyang tugang na si President Ferdinand Marcos Jr.
Sa sarong pahayag, ipinaliwanag kan senadora an dai pag-atendir niya sa SONA kan Presidente ngonian na taon.
“Okay lang pakikinggan ‘yun nga lang masama ang loob namin dahil pinakukulong, kinakasuhan ang minority. ‘Di ko kaya eh, masama ang loob ko d’yan eh.”
Nakasulot man an senadora nin kulay itom mantang dai direktang sinimbag kun ini sarong protesta.
Sinabi niya na kan nakalihis na SONA, kulay itom man an saiyang sulot huli ta ini suboot an saiyang campaign color kan 2025 elections.
Naenot nang kinumpirma kan Senate Minority Leader Alan Peter Cayetano na dai man siya maatendir sa SONA.
Segun kay Sen. Marcos, kadakol pang miyembro kan minorya an dai maatendir sa SONA.
Nilinaw man kan senadora na wara sindang pinagolayan na dai sinda maatendir digdi.
