LEGAZPI CITY – Naghahanda ngonian nin criminal charges si Davao 1st district Representative Pantaleon Alvarez laban kina House Speaker Martin Romualdez, Ako Bicol Rep. Elizalde Co asin Zamboanga Rep. Mannix Delipe mapadapit sa pigkikwestyong Bicameral Conference Committee Report katakod kan 2025 General Appropriations Act.
Katabang ni Alvarez sa magigin pagsunad kan reklamo si Atty. Ferdinand Topacio, Citizens Crime Watch (CCW) president na si Diego Magpantay asin iba pa.
Piggiit kan dating House speaker, nagkaigwa nin mga singit na pondo sa pambansang pondo na dae man kaiba sa mga naaprubaran sa bicameral conference committee.
Posibleng isunad an kaso sa lalong madaling panahon.
Alagad enot nang pigdepensaran kan pirang opisyal kan Kamara an mga pagbabago sa budget bill.
Piggiit ni House Appropriations committee acting head asin Marikina Rep. Stella Luz Quimbo, nasunod an mga nararapat na proseso sa bicam, taliwas sa mga pagpuna kan nagkapirang kritiko.
Nanindugan man si Quimbo na warang blangko sa enrolled bill, dawa personal pa ining hilingon kan mga nagkwekwestyon.
