Inanunsyo kan South Korea an planong pagkakaag nin laser weapons systems harani sa border ngani na mapugolan an mga drones kan North Korea.
Segun sa South Korean Defense Acquisition Program Administration, haloy ng pigpoproblema asin huma sa seguridad kan nasyun an pagpapalayog nin mga drones kan North Korea sa saindang teritoryo.
Huli digdi, antes na matapos an taon, magkakaag na nin “Block-I” anti-air laser weapons system an nasyun.
Pigdevelop an “Block-I” kan kompanyang Hanwha Aerospace na naggagastos sana nin nasa $1.50 o P87.35 sa kada tira.
Plano man kan South Korea na mas madevelop pa an laser system hasta sa makaya na kaining maintercept an mga missiles siring kan teknolohiya na igwa ngunyan an Estados Unidos, Israel asin United Kingdom.
