LEGAZPI CITY—Nakapagrehistro an provincia nin Sorsogon nin minimal na numero kan mga nakumpiskar na mga ilegal na paputok asin boga sa bilog na rehiyong Bicol.
Segun ki Sorsogon Police Provincial Office Public Information Officer Police Major Arwin Destacamento, sa intrevista kan Bombo Radyo Legazpi, nagkundusir na sinda nin mga operasyon sa pagkumpiskar kan mga boga kan mga nakalihis na aldaw.
Nakatabang man sa paghababa kan numero an koordinasyon kan publiko sa saindang mga pagiromdom mapadapit sa mga ilegal na paputok.
Sa presente, wara man na nairehistrong anumang insidente nin may kinaaraman sa mga pagpaputok sa nasabing provincia.
Mientrastanto, nagpatanid man an opisyal na likayan an paggamit nin paputok asin pwedesir na ribayan ini nin iba pang alternatibong pamparibok sa pagselebrar kan Bagong Taon.
