Bumwelta si House Special Committee on Bases Conversion Chairman Jay Khonghun kan Zambales kay dating Agriculture Sec. Manny Piñol katakod kan pagbatikos kaini sa administrasyong Marcos huli ta uminabot na sa P16.63 trilyon an utang kan Pilipinas.
Inapod ni Khonghun na “brazen hypocrisy” an pagbalo ni Piñol na mabaluktot an katotothanan asin ginamit ini nganing siya an makabalik sa politika.
Sinabi ni Khonghun sa administrasyon ni Duterte luminubo an utang kan nacion sa P7.2 trillion sa laog nin anom na taon.
An salang impormasyon an ipinahayag ni Piñol sa sarong campaign sortie sa North Cotabato, kun saen nagkakandidato ining gubernador.
Segun kay Khonghun, an pagbabalo ni Piñol na gamitong isyu an utang panluwas kan nacion laban sa presenteng administrasyon an makaulok urog nang may mga isyu siyang pigkakahampang kan siya an nasa gobyerno.
Pigtawan doon kan lider kan Kamara na an administrasyong Marcos an nagmana kan sarong nagtitios na kamugtakang pinansyal huli sa mga utang na winalat sa panahon ni Duterte, kun saen kadaklan sa mga ini an inaprubaran nin warang masusing pagsusuri asin transparency asin ginamit na rason an pandemya.
Naenot digdi an nangapodan si House Deputy Majority Leader Janette Garin sa pagsasagibo nin imbestigasyon kan Kongreso mapadapit sa P7.2-trilyong inutang kan administrasyong Duterte, asin sinabi niyang an warang kontrol na pangungutang kan panahon kan pandemya an labing nakaapekto sa pinansyal na kapasidad ng bansa.
