LEGAZPI CITY – Pighayag kan Albay Electric Cooperative na laoman na kan mga miembros konsumidores na magkakaigwa nin serye nin brownout sa nagkapirang parte kan provincia.
Segun ki Albay Electric Cooperative spokesperson Anj Galero sa intrevista kan Bombo Radyo Legazpi na maapektaran an nagkapirang barangay kan Sto. Domingo asin Polangui.
Rason suboot kan brownout an huli sa isasagibo nindang massive line clearing nganing malikayan an trip-off asin pagkaputol kan linya nin kuryente.
Nagigin kawsa kaya kan kawaran nin kuryente an huli sa mga sanga kang kahoy na nagsasabit sa linya kun isasagibo ninda an nasabing aktibidad nganing maibitaran an brownout urog na ngonian na labing init kan panahon.
Pigtaram pa kan opisyal na mapoon an brownout saagang alas otso nin aga asin matapos nin alas singko nin hapon asin isasabay na man sa massive line clearing activity an isasagibong installation kan Guy Support para sa 69KV Sub-transmission line.
Pagdoon ni Galero na para man sa karahayan kan mga miembros konsumidores an saindang piggigibo kun kaya kaipuhan ninda nin pagsabot huli ta liwat na ibabalik an supply kan kuryente sa oras na matapos na an massive line clearing activity.
