LEGAZPI CITY — Nagtetenir na ngonian sa kustodiya kan Sorsogon City Police Station an duwang persona makalihis na sirbihan nin mandamiento de aresto sa residencia sa ciudad kan Sorsogon.
Binisto an mga ining sinda Marvin Jintalan, 21-anyos asin Grade 12 student siring man si Jonathan Jintalan, 48-anyos na sarong barangay kagawad na anas residente kan Purok 5 Sitio Suhi, Brgy. Buenavista, West District kan nasabing ciudad.
Susog sa impormasyon hale sa Sorsogon City PNP, igwang standing warrant an duwa sa pagbayolar sa Acta Republika Numerado 7610 o an Anti-Child Abuse Law.
Ipigrerekomendar man an tig-P80, 000 na piyansa sa kada suspek para sa paramientras na libertad.
Sa presente, isinairarom naman an duwa para sa magkakanigong disposisyon.
