Tinuyaw ni Senator Imee Marcos an desisyon kan gobierno kan Pilipinas na pagbigyan an request kan Estados Unidos na tugutan an paglaog sa Pilipinas asin pagtetenir sa nacion kan dakulang numero kan mga refugees hali sa Afghanistan.
Liwat na nangapudan an senador sa Department of Foreign Affairs asin sa Executive Department na magin transparent sa tunay na intensyon kan request kan Estados Unidos dapit sa pagtetenir sa nacion kan Afghan nationals.
Binalikan man kaini an mga kahaputan na ipiglaan sa saiyang resolusyon na nangangapudan nin Senate inquiry dapit sa isyu huli ta igwa suboot na posibilidad na magdara nin huma sa national security asin public safety an nasabing desisyon.
Kinuwestyon kaini kun nata ta sa ibang nacion pa pinili kan Estados Unidos na pateniron an Afghan nationals asin bako sa Amerika na sana mismo.
Ipinunto pa kan chairperson kan Senate foreign relations committee na an Pilipinas na pagpo-prosesuhan kan Special Immigrant Visas kan mga Afghan refugees para sa saindang resettlement an harayo sa Afghanistan.
Sinabi man ni Foreign Affairs spokesperson Teresita Daza na sakop kan kasunduan an limitado sanang Aghan applicants sa halipot na panahon.
