Pigtuga ni Senadora Imee Marcos na haloy na sindang dae nag-oolay kan saiyang tugang na si Presidente Ferdinand Marcos Jr.
Segun kay Imee, may tyansa sana sindang mag-olay na magtugang sa mga public gatherings.
Alagad pagsisiwalat kaini na may mga tawo suboot na nakapalibot sa presidente an naghaharang nganing dae sinda makapag-olay.
Nilinaw man kan senadora na wara siyang kulog nin boot kay Presidente Marcos makalihis na dae kaini taramon an saiyang pangaran sa sarong Alyansa rally sa Cavite.
Segun kay Marcos, warang problema sa saiya an bagay na ito huli ta nakatuon suboot siya sa pag-imbestiga kun papano maibabalik si dating Presidente Rodrigo Duterte sa Pilipinas mula sa The Hague sa Netherlands.
Dapat suboot na iprayoridad an pagdepensa sa soberanya kan nacion imbes na magpokus an politika asin pangangampanya.
