Pigpapaarestar na kan Senado an suspendidong alkalde kan Bamban, Tarlac na si Mayor Alice Guo.
Ini an makalihis na dae na naman mag-atindir an alkalde sa pagdangog kan Senado sa ika-duwang beses.
Segun kay Senadora Risa Hontiveros, nakapagsumitir na siya nin request para sa pag-isyu nin arrest warrant na posibleng maipaluwas ngunyan na aldaw.
Apwera kay Mayor Guo, kasabay pa sa mga pigpapaarestar an ama kaini na si Jian Zhong Guo, tugang na sinda Shella, Seimen, Wesley asin ina na si Wenyi Lin, na anas na dae nag-atindir sa Senado asin dae nagsunod sa subpoena.
Pigpapaarestar man an mga representante kan Philippine Offshore Gaming Operator sa Bamban, Tarlac na sinda Nancy Cammo asin Dennis Cunanan.
Magigirumduman na enot naman na sinabi kan kampo ni Mayor Guo na dae ini makakaatindir sa pagdangog kan Senado huli sa mental health issue makalihis na magsapar nin stress asin trauma.
Kasuodma man kan magsumitir nin petisyon an kampo kan alkalde sa Supreme Court na naghahagad na ipawarang bisa an subpoena na ipinaluwas kan Senado.
