Sa ibong kan lakop na espekulasyon na pwedesir siyang magin running mate ni Vice President Sara Duterte sa 2028 Presidential elections, nanindugan si Senador Rodante Marcoleta na dai niya ini pigkokonsiderar sa presente.
Sa saiyang programa ngonian na weekend, sinabi ni Marcoleta na mas nakatutok siya sa inapod niyang personal na “quest for correction.”
Sinabi man kaini na may mga “sala” gikan sa Senado asin mga justices kan Korte Suprema na saiyang pigtatanos sa ngonian, kabali sinda Justice Carpio, Sen. Ping, Tarriela, Batongbacal, asin parte kan mga sinabi ni Sen. Tol.
Segun sa senador, kadakol na dapat ayuson kun kaya busy siya sa presente.
Dai man ini nagtao nin mga detalye manungod sa mga partikular na “sala” na pigtutukoy kaini.
An pahayag ni Marcoleta an nagluwas pirang aldaw makalihis na i-anunsyo ni VP Sara kan Pebrero 18 an saiyang plano na magdalagan bilang presidente sa 2028, na sarong amay na deklarasyon para sa maabot na pirilian.
