LEGAZPI CITY-Ipighayag kan Philippine Atmospheric, Geophysical and Astronomical Services Administration (PAGASA) na mas diit na bagyo an maglaog sa nacion alagad posible man na mas makusog ini.
Segun kay Ana Liza Solmoro-Solis, an hepe kan Climate Monitoring and Prediction Section (CLIMPS) kan Climatology and Agrometeorology Division (CAD) kan PAGASA, mantang nagbaba an numero kan bagyo tuyong matindi an El Niño, naglalangkaw man an posibilidad na mas makusog asin peligroso ini.
Sa presente, wara pang nag-iiral na El Niño sa nacion, alagad laoman suboot kan ahenysa na pwedisir na maeksperyensyahan an “very strong” El Niño pagsapit kan hurong kwarter kan taong 2026.
An El Niño, sarong natural na phenomenon na nagkakawsa kan pag-init kan temperatura sa kadagatang pasipiko, na igwang dakulang epekto sa klima kan Pilipinas.
Kadalasan na nagreresulta ini sa mas haloy na tagtuyot, mas diit na pag-uuran, asin may pagbabago sa pattern kan pagbilog kan bagyo.
Huli digdi, pigpapagirumduman kan ahensya an publiko asin mga lokal na gobierno na maghanda sa posibleng epekto kan mas makukusog na bagyo, orog an sa mga lugar na madalas tamaan nin kalamidad.
