LEGAZPI CITY-Labi sa 19,000 na mga Public Utility Vehicles (PUV) sa bilog na nacion an nakatakdang isairarom sa government service contracting program (SCP) saaga aldaw nin Lunes, Abril 20, 2026.
Segun kay acting Transportation Secretary Giovanni Lopez, na katuwang an Land Transportation Franchising and Regulatory Board (LTFRB), tatabangan an mga mga kuwalipikadong drivers asin operators sa irarom kan nasabing programa.
Kaiba digdi an mga nagpa-rehistro sa paagi kan online registration.
Dagdag pa kan opisyal na dapat sa laog kan 24 oras, on-board na sinda ngani makapoon na kan pakikisumaro sa programa.
Huli suboot sa matrayumpong information campaign, nagkaigwa man nin magayon na improvement, kun sain naglangkaw an numero kan mga nagpapa-rehistro.
Sa irarom kan government service contracting program, matatawan nin P30 kada kilometro na subsidya para sa mga jeepneys, P40 naman kada kilometro para sa modern jeepneys asin P100 kada kilometro para sa bus.
Basado sa pagtataya kan LTFRB, igwang anom na biyahe sa laog nin sarong aldaw sa EDSA carousel buses asin hasta sa 100 kilometers naman kada aldaw para sa mga bus, UV expresses asin jeepney.
Nagtutubod si Lopez na enkaso maglangkaw an numero kan mga registrants, malangkaw man an numero kan mga pasahero na mabebenepisyuhan sa nasabing programa.
