Kinumpirmar kan Iloilo International Airport na sarong eroplano kan Philippine Airlines flight PR 2544 (RP-C8619) hale Dumaguete pasiring Manila an nagpaotob nin emergency landing pasado alas-4:30 nin hapon ngunyan na Domingo, Abril 19, 2026.
Susog sa report kan pamayuhan kan eropuerto, nagkulang ang oxygen supply sa cabin makalihis maabot kan eroplano ang cruising altitude na 32,000 feet.
Sa opisyal na pahayag, sinabi kan airport management: “A Philippine Airlines flight PR 2544 (RP-C8619) from Dumaguete to Manila made an emergency landing at Iloilo International Airport at 4:30 PM this afternoon. Reports indicate that the oxygen supply in the cabin was insufficient after the aircraft reached its cruising altitude of 32,000 ft.”
Makalihis an insidente, salbado na nakalapag an aircraft, alagad may pirang pasahero an tulos na tinawan nin medical assistance pag-abot sa eropuerto.
Padagos na pig-imbestigaran kan mga otoridad an kawsa kan problema nganing masierto an kaligtasan kan mga masunod na biyahe asin malikayan an kaparehong pangyayari.
