Nag-apela si Senate President Pro Tempore Panfilo “Ping” Lacson ki retired Supreme Court Associate Justice Antonio Carpio asin UP Professor Jay Batongbacal na dae magpartisipar sa propuestong debate ni Sen. Rodante Marcoleta manungod sa Kalayaan Island Group (KIG).
Segun ki Lacson, an siring na debate an posibleng magkawsa nin takot asin makaapektar sa deretsos sa pagtenir kan mga residentes sa Barangay Pag-asa, Palawan.
Inapod niya ining “pointless debate” na posibleng magbugtak sa alanganin an mga Pilipinong haloy nang nag-tetenir sa isla.
Si ibong na lado, inako ni Carpio an agyat ni Marcoleta para sa “friendly debate” dapit sa soberaniya asin maritime security, mantang kabale man si Batongbacal sa mga inimbitaran.
Naenot nang pigtuyaw si Marcoleta makalihis na magsuhestyon na pwedesir na sanang isuko an Kalayaan Island Group huli ta yaon suboot ini sa luwas kan exclusive economic zone kan Pilipinas, bagay na ikinahandal kan nagkapirang senador asin eksperto.
Kan Pebrero 4, 2026, an pahayag ni Lacson nagluwas sa Commission on Appointments deliberation kan 35 senior AFP officers.
An Kalayaan Island Group an parte kan West Philippine Sea na haloy nang pigdidiskutiran kan Pilipinas asin China.
Para ki Lacson, an anuman na debate na mabugtak sa alanganin an deretsos kan mga residentes an dae magigin kapaki-pakinabang, orog nang malinaw na pigbisto kan Pilipinas an soberaniya sa nasabing teritoryo.
.){kind=link}