Nangapudan nin pangadyi si Senador Christopher Bong Go asin pig-enganyar an publiko na magtenir na kalmado ngonian na aldaw, mantang pormal na pagpopoon kan confirmation of charges hearing ni dating Presidente Rodrigo Duterte sa International Criminal Court (ICC).
Sa sarong pahayag, ipinaabot kan mambabatas an saiyang suporta sa dating presidente na nahahampang sa kasong crimes against humanity katakod sa kontrobersyal na kampanya kontra droga kan nakalihis na administrasyon.
Ipinangadyi man kan senador an kusog nin boot, katuninungan kan isip, asin marhay na salud kan dating presidente.
Hinagad man kan senador sa mga supporters na magtiwala sa existing justice system.
Magigirumduman na pigbisto man kan ICC si Go bilang saro sa mga pigtutubudang co-perpetrators sa nasambitan ng war on drugs.
An hearing gigibohon poon Pebrero 23 sagkod Pebrero 27 sa The Hague, Netherlands.
Katakod kaini, nangapudan man si Go na tawan nin kalayaan an dating punong ehekutibo.
 formally begins.){kind=link}