Nagkasararo an mga lehislador kan Vietnam asin nailehir si Communist Party Secretary General To Lam bilang presidente kan estado.
Magseserbi an nasabing opisyal sa laog nin limang taon.
Si To Lam man an pigkokunsiderar na pinaka poderosong Vietnamese leader sa laog nin nagkapirang mga dekada.
Sinabi kan parliamento na nasa 495 deputies an presente sa National Assembly session na nag-endorso sa Communist Party nomination, mantang limang mga lehislador man an dae naka atendir.
Marurumduman na kan Enero sana kan makuwa man ni To Lam an ika-duwa kaining termino bilang general secretary, asin ngunyan an may mandato na pamayuhan an nacion.
Sinabi man kaini tatawan niya nin prayoridad an self-resiliance sa depensa urog pa ngunyan na duwang posisyon an saiyang pigkakaputan.
Mientras tanto, nakatalaan man na mag-elihir nin bagong prime minister na maribay ki outgoing Prime Minister Pham Minh Chinh.
