LEGAZPI CITY- Nagpapadagos an ipigsasagibong search and rescue operations kan mga otoridad sa sarong nawawarang parasisira sa parte kan Barangay Banquerohan, Legazpi City.
Segun ki Senior Fire Officer 2 Norman Andes, tagapagtaram kan Bureau of Fire Protection Legazpi sa naging intrevista kan Bombo Radyo Legazpi, kan Agosto 10 pa naghali an nasabing parasisira alagad dae pa nakakabalik hasta sa ngunyan kaya naghahadit na an pamilya kaini.
Gamit suboot kan nasabing parasisira an sarong bangka na de-sagwan, na hasta sa ngunyan an dae pa man nadudukayan.
Napag-araman na nag-negatibo an enot na mga search and rescue operations kan mga otoridad sa pangengenot kan Special Rescue Force kan ahensya katabang an Integrated Coastal Resource Management Unit.
Sa ibong kaini, naglalaom si Andes na buhay asin salbado na madudukayan an nasabing nawawarang parasisira.
