LEGAZPI CITY—Sarong trabahante an nakuryente mantang ini nagpapakarhay kan mga wire sa Barangay Zone 6, sa banwaan kan Bulan, Sorsogon.
Segun ki Bulan MPS, OIC, PLTCOL. Virgil Bibat, sa intrevista kan Bombo Radyo Legazpi, na nakaduot an biktima sa live wire na nagresulta para ini makuryente.
Tulos man ining nirespondehan kan Municipal Disaster Risk Reduction and Management Office Bulan sa pakikipagkoordinar man sa Bureau of Fire Protection.
Sa presente an biktima nagpaparahay na sa sarong ospital sa nasambitang banwaan.
Mientrastanto, nangapudan man an opisyal sa mga trabahante lalo na sa mga nagtatrabaho nin mga electrical wires na iasigurar pirme an saindang kaligtasan.
