LEGAZPI CITY—Sarong residential house an totally burned sa Barangay Poblacion, Aroroy, Masbate.
Segun ki BFP Aroroy Chief Operations FO2 Jonard Saragoza, sa intrevista kan Bombo Radyo Legazpi, na pag-abot ninda sa pinangyarihan kan insidente nagkakalayo na an nasambit na harong asin tulos man ninda ining inaksyunan kun saen maabot sa 30 minuto bago ini maapula.
Dugang kan opisyal na nadamay an kataning pa kaining sarong residential house magin an day care asin health center kan nasambit na barangay kun saen gabos ini an partially burned.
An totally burned na residential house an gibo sa light materials kun kaya madali ining natupok nin kalayo.
Pigtaram pa kaini na wara man na nairido sa nasambitang insidente.
Mientrastanto, maabot man sa P180,000 an pigkakarkulong danyos kan mga nasulong establishimiento.
Sa presente padagos pa an imbestigasyon kan mga otoridad sa pinuonan kan nasambit na kasulo.
