LEGAZPI CITY-Magsasagibo nin clearing operation an Legazpi Task Force kaayusan at kalinisan bilang preparasyon sa selebrasyon kan Ibalong Festival sa maabot na Agosto 6 sundong Setyembre 6, 2025.
Segun kay Task Force kaayusan at kalinisan Head Andy Marbella sa intrevista kan Bombo Radyo Legazpi, na nakapreparar na an gobierno lokal kairba an Philippine national Police asin iba pang kooperatiba na igwang kanya kanyang mga task.
Magsasagibo man suboot na grupo nin physical arrangement sa maabot na event alagad katuwang man ninda an Public Safety Office (PSO) sa pagsierto kan trapiko sa maabot na mga aktibidades.
Dugang pa ni Marbella, na dapat malinig asin makabwelo mga tawo na kaintra sa street competition asin tututukan man ninda an paghali sa mga debris, mga nakatambak, asin nakakaulang sa pagdadaosan kan mga event.
Sisiertuhon man suboot an mga preparasyon orog na kung mag-uran sa mismong aldaw kan mg aktibidades.
Magpapaotob man suboot nin road closure sa Sawangan Park na nakadepende sa mga aktibidades sa lugar.
Mensahe kan opisyal na sabayan an mga aktibidades kan gobierno lokal asin magingat an gabos sa maabot na selebrasyon.
