LEGAZPI CITY—Buminungkaras an sarong kasulo sa sarong gasolinahan sa Barangay 6, Purok 3, Banquerohan, Legazpi City.
Segun ki BFP Legazpi Deputy City Fire Marshal SFO4 Garry Santander, sa intrevista kan Bombo Radyo Legazpi, na tulos man ninda ining narespondehan asin napalsok ini.
Wara man suboot na nadamay na ibang harong o establishimiento sa insidente.
Dugang kan opisyal na duwa an nairido huli sa nangyaring kasulo asin tulos man na natawan nin asistensyang medikal.
Padagos pa an imbestigasyon kan mga otoridad sa kun gurano an inabot na danyos asin kun ano an kawsa kan insidente.
Mientrastanto, nagpagiromdom man an ahensya sa publiko na pirmeng mag-ingat nganing maibitaran an siring na insidente.
