LEGAZPI CITY-Arestado an sarong Chinese national asin Presidente kan sarong Mall sa ciudad kan Legazpi huli sa pagbayolar sa immgration laws asin pamemeke kan saiyang mga dokumento.
Segun kay Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi na an suspetsado, an Presidente kan Yashano Mall sa Legazpi City, nasa legal na edad asin residente kan Barangay Cruzada Legazpi City.
Naarestar an suspek na sa koordinasyon kan Bureau of Immigration kaiba an Regional Intelligence Unit sa Camp Ola, Legazpi City Police Station, Armed Forces of the Philippines, asin National Intelligence Coordinating Agency.
Dagdag pa kan otoridad na pigbabayolar kaini an immigration law asin an revised penal code kan falsification of public documents.
Pig-claim suboot kaini na saro siyang Pilipino kun sain igwa siya nin Philippine issued government ID cards asin iba pang mga dokumento.
Sa presente, idinara na an suspetsado kan BI para sa proper disposition kan saiyang kaso.
Pig-iidentipikar pa kan mga otoridad kun may katunayan an saiyang mga dokumento sa Pilipinas.
Dugang pa kan opisyal na padagos man an imbestigasyon sa isyu, mantang posibleng maapektaran an operasyon kan mall alagad kinakaipuhan suboot an paninimbagan huli sa saiyang pagbayolar sa ley.
