LEGAZPI CITY-Sarong celebrity Hippopotamus na pinangaranang si Fiona an nagadan, sa Cincinnati Zoo & Botanical Garden sa Cincinnati, Ohio makalihis na makahalon nin sombrero.
Si Fiona, an Hippo na nag-survive bilang premature newborn na nagin rason kan saiyang pagigin international sensation, alagad inanunsyo kan nasabing zoo na binawian na ini nin buhay kansuudma, Nobyembre 19.
Susog sa Vet staff, ginibo ninda an gabos ngani maka-survive pa ini makalihis na aksidenteng makahalon nin sombrero sa saiyang habitat kan nakaaging semana.
Sinabi man kan nabanggit na zoo sa saindang post sa social media, na ginibo ninda an gabos alagad nakadanyar ini sa Hippo hasta sa dae na niya nakayanan.
Binanggit man kan zoo na nagsagibo sinda nin “supportive care” ngani maisalbar ini alagad dae ini nagin matrayumpo.










