LEGAZPI CITY – Naghagad na nin tabang an mga opisyales kan Barangay Gogon sa ciudad nin Legazpi sa Office of the City Environment and Natural Resources (OCENR) mapadapit sa pagkolekta nin basura.
Segun ki Chie Atun, an kagawad kan naunambitang barangay sa intrevista kan Bombo Radyo Legazpi na pig-aadalan ninda kun pano mamamantenir an kalinigan sa saindang barangay partikulamente an pag-abot sa basura.
12 purok man suboot an pigkokolektahan kan mga eco-aide nin basura kun kaya madali suboot na napapano an saindang material recovery facility maski nagpaotob na sinda nin collection schedule.
Nagbisita na man an OCENR sa saindang lugar nganing reparuhon an collection facility asin tawanan nin magkakanigong sulusyon partikulamente an routing kan mga nagkokolektang mga garbage truck.
Paglinaw pa kan kagawad na an material recovery facility an bako direktang tapukan nin basura kundi dapat itao sa eco-aide an saindang mga basura asin an mga ini na an bahala sa pagbugtak kan mga ini sa naunambitang pasilidad.
Hagad niya man na tabangan sinda kan saindang mga ka-barangay sa paagi kan pag-segregate kan mga itatao na basura urog nang may presenteng city orinance mapadapit sa “no segregation, no collection policy” sa mga basura.
Kun siya suboot an aaputon, duwang truck an pigkakarkulong kaipuhan nganing makolekta sana an saindang mga collection nin basura sa laog nin sarong aldaw.
Pangapodan ni Atun sa saiyang mga ka-barangay na mag-segregate nin basura ta sinda man sana an mapapagalan asin itapok sa tamang tapokan o halaton an saindang mga eco aide na kolektahon an saindang mga basura.
 regarding the collection of garbage.){kind=link}