LEGAZPI CITY—Tinawan-doon kan sarong transport group na bako sana an saindang lado an nadidipisilan sa kada may pagdagdag-bawas sa presyo nin petrolyo kundi magin mismo an namamanwaan asin mga saradit na negosyante sa nacion.
Segun ki Pagkakaisa ng mga Samahan ng Tsuper at Opereytor Nationwide (PISTON) President Mody Floranda, sa intrevista kan Bombo Radyo Legazpi, huli sa nagbabakal man sa merkado an mga saradit na tiendahan nin petrolyo sagkod na barato pa ini, alagad pag tuyo man na minahalangkaw an presyo an dae na ninda mabubukod an presyo kan produkto.
Pighayag man kan opisyal na mantang nagpaotob nin rollback sa mga nakaaging semana, an pigbabawi man sana ini tuyong magkakaigwa nin dagdag-bawas sa presyo.
Naghihingoa man an grupo na tanggalon an dakulang buwis sa petrolyo asin ibasura an Oil Deregulation Law huli sa nagkawsa ini nin kadipisilan bako sana sa mga driver asin operator kundi magin an publiko.
Mientrastanto, padagos man an pangapudan ni Floranda sa saiyang kapwa driver asin operator na kaipuhang manindugan sa paglaban sa modernization program, ibasura an pig-implementar na excise tax sa mga produktong petrolyo, asin tanggalon Oil Deregulation Law na nagpapadipisil sa saindang grupo asin namamanwaan.
