Posibleng mahampang pa sa mga manlain-laing kaso an nakakulong na Russian vlogger na si Vitaly Zdorovetskiy.
Segun kay Department of Interior and Local Government (DILG) Secretary Jonvic Remulla, na afuera sa three counts kan unjust vexation na isinunad laban kay Zdorovetskiy an ipigsuhestyon kan DILG an pirang mga serye kan kaso.
Ibinase kan DILG an mga kaso sa pirang mga video kan vlogger kun saen mahihiling an pang-haharras kaini sa pirang mga tawo, kabale an sarong may edad na kaiba man an pirang mga guwardiya.
Mahihiling man suboot sa mga video kaini an pagmamanehar man kaini nin tricycle asin an pagporbar na pag-agaw kan motorsiklo.
Dugang pa kan kalihim na pighahanda na kan prosecution office an nasabing mga dagdag na kaso laban sa Russian vlogger.
Magigirumdumang suminurat an Russian vlogger sa DILG asin naki-olay na kun pwedesir iatras na kaini an kaso laban saiya.
 Secretary Jonvic Remulla, that apart from the three counts of unjust vexation filed against Zdorovetskiy, the DILG has suggested several series of cases.){kind=link}