Preparado suboot maghampang si dating House Speaker asin Leyte 1st District Rep. Martin Romualdez sa pigsasagibong preliminary investigation kan Office of the Ombudsman katakod kan suboot anomalya sa mga flood control project.
Segun ki Atty. Ade Fajardo, abogado ni Romualdez, sisimbagon kan kongresista ang gabos kan alegasyon laban saiya alagad pigdoon na an pighahagad sana kaini an sarong patas na proseso.
Sinabi man ni Fajardo na warang plano si Romualdez na maghale kan nacion asin padagos na ginagampanan ang mandato bilang kinatawan kan primer distrito kan Leyte.
Kasabay kaini, liwat na pigdoon kan kampo ni Romualdez na warang ebidensyang mag-uugnay sa lehislador sa suboot iregularidad sa flood control projects.
Segun sa abogado, warang naging papel si Romualdez sa pagbilog kan 2025 national budget afuera sa pagpirma digdi, asin wara man suboot ining kinaaraman sa implementasyon kan mga flood control project. Ini man an nagin saro sa mga natuklasan kan Independent Commission on Infrastructure (ICI).
Kinuwestiyon man ni Fajardo ang kredibilidad kan suboot 18 “maleta boys” na sinasabing dating bodyguards ni dating Ako Bicol Party-list Rep. Zaldy Co, na kabale sa mga testigong posibleng gamiton sa imbestigasyon ng Ombudsman.
Pagdoon niya, wara dapat pagtubudan sa saindang mga pahayag huli an Department of Justice mismo an nagsunad na suboot nin kasong perjury laban sa mga ini, patunay na nag-utik sinda sa irarom kan panunumpa.
