LEGAZPI CITY-Pigpapaotob na kan mga LPG company an P3 rollback kada kilo kan Liquefied Petroleum Gas (LPG) o cooking gas poon kan Biyernes.
Katumbas ini kan P33 na bawas sa kada 11-kilong tangke.
Segun kay LPG Marketers’ Association (LPGMA) President Arnel Ty, an pagbaba suboot kan presyo kan LPG, huli sa mas baratong shipping asin transport costs.
Posible pa suboot na masundan ini nin panibagong rollback depende sa hiro kan presyo kan langis sa merkado.
Mientras tanto, marurumduman na pinirmahan ni President Ferdinand Marcos Jr., an sarong executive order na nagsususpinde kan excise tax sa LPG asin kerosene sa laog nin tulong bulan bilang parte kan lakdang kan gobierno ngani mabawasan an epekto kan krisis sa langis.
