Suminakat nin sobra P3 an presyo kan gasolina sa enot na semana kan Nobyembre segun sa Department of Energy.
P3.50 kada litro an dagdag sa gasolina mantang P1 kada litro an rollback sa diesel asin P1.90 kada litro an bawas sa kerosene
Epektibo an price movement alas 6:00 nin aga sa aldaw nin Nobyembre 3 sa Shell, Seaoil asin Petro Gazz.
Dai pa nagpaluwas nin pahayag an DOE kun ano an rason kan paglangkaw, alagad segun sa mga oil companies, apektado ini kan paghiro kan presyo sa world market.
